زاوية خضراء.
بقلم: داؤد أبوكلام داؤد
جبال النوبا أهلك قبال تهلك (2).
هسي (تعني باللغه العربية الفصحى في هذة الساعة ) انتو قايلين نحن النوبا ما بنعرف عربي ولا شنوا ههههه؟؟ خلينا من الفات ومات زمان داك؟؟!! الكلام في الجاي وعشان ما نقعد نتلفت جاي وجاي وجاي في هذا السودان مرتاً أخري ؟؟؟؟ نحن النوبا الساس والرأس؟؟ وإحترام الضيوف واجب؟ والضيف بقعد في الراكوبة او الخلوه او الديوان؟؟؟ لكن ضيوف الزمن ده بري ..بري..بري ؟؟؟ شوية شوية بدل الحوش يدخل ليك جوة القطية وكمان يدخل غرفة نومك ويلبس هدومك. ؟؟ ويرقد في العنقريب المفرش بالبرش. كلمة(عنقري ) نوبية والبرش(بجشي او بجي ). وممكن يقفل الغرفة من جوه كمان جنس قوة عين . في الزاوية الخضراء الماضيه تكلمنا عن المؤتمر الوطني في جبال النوبا والحركة الشعبية جناح الحلو.؟؟ بعنوان أهلك قبال تهلك. وبراكم شفتو التحالف بين الضيوف الجايين من دارفور .!!! (الحلو وحميدتي الهالك ) ودخلوا قطية جبال النوبا وكمان راقدين ومتشتحين في عناقريبنا وخالفين كراع في كراع ( وهم ما عارفين سراويلهم مقدوده) وأكيد سوف يحسون بالهواء. ؟؟؟ بس شغالين جيب الدهب واحشد وارفع وشيل وودي شباب النوبا في مسارح القتال بالفاشر و خليهم يموتوا ذي الجراد ؟؟؟؟ شاء من شاء وأبي من أبي. ورضي من رضي؟؟؟ النوبا هم أهل السودان؟؟ وكنا نستحي أمام ضيوفنا أن نقول لهم ذلك في إطار أكرام الضيف ؟؟!!! لكن الضيوف عينهم قويه زياده من اللازم خاصة هنا في كردفان.؟؟؟؟ والمثل قال ( البستحي ما بولد بت عمه). وكلمة كردفان كلمه نوبية أصيله وتعني (كرتو فن) ( الرجل الملك الغني الكريم الاجواد) وجبل ملك ومك كردفان حتي اليوم آثاره باقيه في شرق مدينة الأبيض نواحي جبل العين وجبل ابوالغر. ؟؟ وكلمة بارا كلمة نوبية (بره) تعني الكثبان الرميلة الحمراء وكردفان قديما تعرف بكل المنطقة القوزية شمال خور كجار وابوحبل تشمل كل القوز والابيض وبارا وديار الجوامعة والحمر حتي اقصي ديار دار الريح ومن اهم مكوناتها هناك حضارة النوبا في جبل حرازا الدواليب وكاجا وكتول حتي الميدوب اقصي الغرب من كردفان والفاشر ؟؟ وكلمة كبابيش جات من الرسومات ورؤس الكباش والخراف في جدران الآثار النوبية القديمة وهذة الآثار موجودة حتي الان في ديار الكباش خاصة الآبار والمباني الحجرية. ومن قرون الكباش جاءت كلمة (الكبابيش) . أما الجوامعة فهم قوم أهل قرآن ودين وخلق كريم.. ؟؟؟ جاد لهم ملك النوبا بجبل كردفان بهذة الأراضي حسب جري الحصان بحزمة الشوك حتي يفتر ويقف ويزرب الموقع بالشوك ويكون لصاحب الحصان وهنا يتم تاسيس الخلوه والجامع ومعظم حفظة القرآن اليوم في السودان من ديار الجوامعة(لكن يا خسارة كنا نتمني ان يحفظوا معهم عشرة الف من النوبا القرآن في ديارهم رداً للجميل) ومن هذة الجوامع الكتيرة جاءت كلمة الجوامعة ههههه سامعك قاعد تقول جنس كضب.!!!! ومن هنا جاءت كلمة زريبة البرعي عشان مافي زول يقول النوبا ما بعرفوا بتكلموا في التاريخ سكتنا ليكم كتير والله.؟؟؟ ووالله وتا الله وبالله تاني ما نسكت ؟؟؟ ومن مكونات كردفان القديمة الغديات وكانت حاضرتهم في علوبة غرب الرهد وجبل الدائر وشمال شرق الجبال الستة(وحتي جدودي المكوك في الكافير كان يتم تنصيبهم في مملكة الغديات لأنها كانت امتداد للمملكة الفونج والسلطنة الزرقاء ) و(المانجلك ) تعني المك بن المك بالوراثه.؟؟ مش التزوير حق العرب قال ما نجل الا إياك كضب في كضب. ؟؟؟؟ زمن الدسديس انتهي نحن في سودان ما بعد الحرب.؟؟؟ وأيضا هناك قبائل ومملكة( التمام ) وهم أهل كازقيل وكذلك البديرية وهم من شمال السودان في دبة الفقراء مثلهم ومثل النوبا وتحت تحت سامعين قالوا هم عرب علي كيفهم. (بس سبر الأرنب ده حق النوبا إياكم وأرانبنا تاني). وحتي اسماعيل الولي لما جاء كردفان وضع له حجر اساس القبه هم مكوك التمام والغديات وجدي المك /جديد ناصر كلن. من الكافير ؟؟؟ وحتي قبائل الحمر لهم جزور عميقة في النوبا( ولامش كده يالامير منعم منصور). وكلمة حمر جات من شجرة الحمرة (التبلدية) وكلكم تعرفون عصير التبلدي والقنقليز.!!! وكذلك استقرت قبائل كتيرة من غرب أفريقيا بكردفان وكام معظمهم في الطريق الي مكة المكرمة للحج وطاب بهم المقام ( وكسر ركبه في كردفان ) وسبقتهم قبائل المسبعات والميما وبعض القبائل العربية المعروفة بكردفان اليوم. عفوا لطول الزاوية الخضراء لأنني فرحان شديد ورأيت بأم عيني بأن كردفان القديمة بدأت تتشكل من جديد والتاريخ يعيد نفسة والسبب هو تحالف أشرار دارفور بكردفان (الحلو وحميدتي الهالك). وفي الاربعاء الموافق ٢٣ أبريل ٢٠٢٥ كان لقاء النوبا الجامع بكل مكوناتهم السياسية بعروس الرمال الأبيض وهي جايه من كلمة ( الحمار اللبيض) ومن قبلة بيومين كان التحالف الاعظم بين قبائل النوبا والحمر والجوامعة.!!!؟؟ والنوبا في جبل الدائر جزء لا يتجزء من امارة الجوامعة والنوبا ساس ورأس شمال كردفان عموماً كردفان نواة السودان.؟؟!! ولضيق الزاوية الخضراء نتوقف هنا.؟؟ ونقول لأهلنا في شمال السودان نحن زعلانين منكم شديد انتو السبب وشايفين كتير منكم عاملين فيها عرب من بنو العباس. ؟؟؟ هي كلمة بركل نوبية وشندي نوبية وتعني مكان البيع والسوق وكلي وقنتو. نوبية وبربر وعطبرة نوبية. اصبرو لي بس ياناس اهلي النوبا وبقية ناس شمال السودان خاصة الشايقية والجعليين أنا جايكم واحد.. واحد ٠٠واحد..؟؟ وحلة.. حلة.. حلة؟؟ وحا نترجم كل مناطقكم ونرجعها لأصلها النوبي؟؟؟؟ خلاص الكلام دخل الحوش وبقي متعلق بأمن السودان ووحدته إنتهي زمن الفوضي؟؟؟ السودان يتشكل من جديد من هنا من كردفان شكري لكل مكونات النوبا بكردفان لهذا الفعل والحراك وللقيادات بمختلف مقاماتهم العلمية من اساتذة ودكاترة وشباب ومرأة وإدارة أهلية وغيرهم وغيرهم من اجهزة حكومية وشعبية ولكل حادب علي وحدة النوبا واهل كردفان والسودان عموماً.
المك/داؤد ابوكلام داؤد
كردفان الغرة ام خيراً جوه بره. الجمعة الموافق ٢٥ أبريل ٢٠٢٥خ